Қабдеш Жұмаділовтың шығармашылығына арналған байқау

Өскемен қаласында «Сұлу сөз, көркем ойдың кемеңгері» байқауы өтті

19.09.2024 жыл

   2024 жылғы 19 қыркүйекте Өскемен қаласындағы «Халық әртістері ағайынды Абдуллиндер атындағы Шығыс Қазақстан өнер училищесінде» қазақтың ұлы жазушысы Қабдеш Жұмаділовтің шығармашылығына арналған жыл сайынғы «Сұлу сөз, көркем ойдың кемеңгері» атты өңірлік байқауы өтті. Байқауға Абай және Шығыс Қазақстан облыстарының жалпы білім беретін мектептерінің 8-10 сыныптарының 87 оқушысы қатысты.

   Шығыс Қазақстан облысы білім басқармасының дарындылықты пен қосымша білім беруді дамытудың Шығыс Қазақстан ғылыми-әдістемелік «Дарын» орталығы ұйымдастырған іс-шараның негізгі мақсаты Қабдеш Жұмаділовтің бай әдеби мұрасын дәріптеу, оқушылар арасында көркем әдебиетке деген қызығушылықты дамыту және дарынды жастарды анықтау болды.

   Байқау қатысушылардың әдеби шығармашылыққа деген қызығушылығын дамытып қана қоймай, олардың ата-бабаларының тарихы мен өмірі, жеңген қиындықтары мен ұлы жетістіктері туралы білімдерін тереңдетуге ықпал етеді. Іс-шара жастар арасында патриоттық сезімді нығайтады, қазақ тілін сақтау мен дамытуға деген ұмтылысты оятады, сондай-ақ туған жерге деген сүйіспеншілікті күшейтеді. Қатысушылар мәдени мұраның құндылығы мен оны болашақ ұрпаққа жеткізудің маңыздылығын түсінуді үйренеді.

         Байқау екі номинация бойынша өткізілді:

1. «Тарих тудырған талант» – тарихты, мәдениетті және туған жерге деген сүйіспеншілікті қамтитын Жұмаділовтің шығармалары тақырыбында эссе байқауы;
2. «Қ. Жұмаділов – қазақтың көркем сөзіне үлес қосқан жазушы» – «Соңғы көш» романынан 700 сөзден тұратын үзінділерді мәнерлеп оқу.

 

   Байқау жеңімпаздарына бағалы сыйлықтар дайындалды. Асқар Жакулин атындағы қайырымдылық қоры іс-шараны қолдап, I орынға – 70 000 теңге (11 жеңімпаз), II орынға – 40 000 теңге (13 жеңімпаз), III орынға– 20 000 теңге (15 жеңімпаз) көлемінде ақшалай сертификаттар, ал барлық қатысушыларға
   Қабдеш Жұмаділовтің «Әріп пен Сара», «Құттыбай мен Ақтайлақ», «Жакуля болыс», «Аққұды атпас болар» кітаптарын сыйлық ретінде табыстады. Сонымен қатар жеңімпаздар дипломдармен марапатталып, қатысушыларға сертификаттар табысталды.

 

   Байқау барысында қатысушыларға мерекелік бағдарлама ұйымдастырылды. Олар би билеп, хормен ән шырқап, қуанышты және көтеріңкі көңіл күйде болды.

   Жеңімпаздар мен жүлдегерлерді құттықтаймыз және оларға шығармашылық табыс тілейміз!

 

 

"Сұлу сөз, көркем ойдың кемеңгері" 

19.09.2023 жыл               

     2023 жылдың 19 тамызы күні Өскемен қаласында, Оқушылар шығармашылық сарайында жалпы білім беретін ұйымдардың 8-11 сынып оқушылары аралығында Қабдеш Жұмаділовтың шығармашылығына арналған «Сұлу сөз, көркем ойдың кемеңгері» атты аймақтық байқау өтті.     ДпҚББД ШҚ ҒӘ «Дарын» орталығы байқауды ұйымдастыруының негізгі мақсаты жазушының өмірі мен шығармашылығын, әдебиет әлеміне қосқан рухани мол мұрасын зерттеу, ел арасынан әдебиетке бейім, дарынды жастарды айқындау, оларға қолдау көрсету, көркем әдебиетті насихаттауды жандандыру.

      Аймақтық байқаудың қорытынды кезеңіне өз облысының жеңімпазы атанған, Қабдеш Жұмаділовтың шығармаларын жетік білетін, өз мектебінен озып шыққан талантты 78 оқушы: І. «Тарих тудырған талант» номинациясы - Қазақстанның халық жазушысы
Қ. Жұмаділовтің өмірі мен шығармашылығы бойынша эссе; ІІ. «Қ. Жұмаділов – қазақтың көркем сөзіне, әсіресе тарихи жанрына елеулі үлес қосқан жазушы» атты номинациясы бойынша бәйгеге түсіп бақтарын сынады.

     Қазылар алқасы құрамында:

- т.ғ.к., ҚБТУ қауымдастырылған профессоры  - Жұмаділ Арман Қабдешұлы,

- «Қазақ энциклопедиясы» ЖШС-ның директоры - Сүлеймен Қанат Сүлейменұлы,

- Шығыс Қазақстан облысындағы ЖОО-ның оқытушылары болды.

     Асқар Жакулин атындағы қайырымдылық қоры аймақтық байқау  жүлдегерлерін ақшалай сертификаттармен марапаттады: І-орын –11 жеңімпаз 70 000 теңгеден, ІІ-орын –13 жеңімпаз 40 000 теңгеден, ІІІ-орын –15 жеңімпаз 20 000 теңгеден. Жалпы 39 сертификат    1 590 000 ( бір миллион бес жүз тоқсан мың ) теңгені құрады, және барлық қатысушыларға Бәтима Құлмұқанқызы Жакулинаның «Өтті бір өмір осылай», Асқар Жакулин атындағы қайырымдылық қордын құрылтайшысы Жайна Жакулинаның «Шексіз махаббат» кітабтарын табыс етсе, ал «Қабдеш Жұмаділов» қоғамдық қоры жүлдегерлерге Қ.Жұмаділовтің әдеби кітаптарын табыс етті.

 

       Байқау жеңімпаздарын құттықтаймыз!

 

"Сұлу сөз, көркем ойдың кемеңгері" 

 

         22.09.2022 жыл

 

 

 

    2022 жылдың 22 кыркүйегі Өскемен қаласында ДпҚББД ШҚ ҒӘ «Дарын» орталығының ұйымдастыруымен, Асқар Жакулин атындағы қайырымдылық қорының демеушілігімен С.Аманжолов атындағы Шығыс Қазақстан университетінің залында  жалпы білім беретін ұйымдардың 8-10 сынып оқушылары арасында Қабдеш Жұмаділовтің шығармашылығына арналған «Сұлу сөз, көркем ойдың кемеңгері» атты алғаш рет аймақтық деңгейде байқау өткізді. 
Байқау жазушының өмірі мен шығармашылығы, әдебиет әлеміне қосқан рухани мол мұрасын зерттеу, ел арасынан әдебиетке бейім, дарынды жастарды айқындау, оларға қолдау көрсету, көркем әдебиетті насихаттауды жандандыру мақсатында өткізілді. Байқауға Абай облысы мен Шығыс Қазақстан облыстарының барлық аудандары мен қалаларының қатысуға қызығушылық танытқан 90 дарынды оқушылар қатысты.
Байқау екі номинация бойынша өткізілді:
1. «Тарих тудырған талант» номинациясы - Қабдеш Жұмаділовтің, тарих, мәдениет, елінің азаттығына, туған жерге деген сағыныш пен махаббатты арнаған шығармашылығы жайлы эссе жазу.
2. «Қ. Жұмаділов – қазақтың көркем сөзіне, әсіресе тарихи жанрына елеулі үлес қосқан жазушы» жазушының ұлтжанды қаһарманды биік өреге көтерген шығармаларынан жатқа үзінді оқу номинациясы.
   Сондай – ақ, жазушының ұлы, т.ғ.к., ҚБТУ қауымдастырылған профессоры, Жұмаділ Арман Қабдешұлы мен қатысушылар арасында кездесу ұйымдастырылып, әсерлі сұхбат жүргізілді. Сұхбат түрінде өрбіген кездесу барысында оқушылар жазушының шығармашылығынан, ғибратты өмірінен сұрақтар қойып, қойылған сұрақтар төңірегінде қызықты жауаптар алды.
Асқар Жакулин атындағы қайырымдылық қоры аймақтық байқау  жеңімпаздарын ақшалай сертификаттармен марапаттады: І – орын  11 бала 70 000 теңгеден, ІІ –орын 15 бала 40 000 теңгеден, ІІІ – орын 19 бала 20 000 теңгеден. Жалпы 45 сертификат 1 750 000 ( 1 миллион жеті жүз елу мың ) теңге берілді, және  «Қабдеш Жұмаділов» қоғамдық қоры І, ІІ, ІІІ – орын жүлдегерлеріне «Дарабоз» ІІ томдық, «Соңғы көш» ІІ  томдық кітаптарды, сонымен қатар барлық қатысушыларға  Қ. Жұмаділовтің әдеби кітаптарын табыс етті.

   Байқау жеңімпаздарын құттықтаймыз!