Асқар Жакулин атындағы қайырымдылық қоры
Жақсы істің бір бөлігі бол!
+7 (727) 295 58 77 info@aj-charity.kz
Асқар Әнуарұлы Жакулин (1965 -2016)

     Асқар Әнуарұлы 1965 жылы 7 қарашада Қытай Халық Республикасының Үрімжі қаласында туылды. Балабақша мен мектепті қытайша бітіріп, 1984 жылы Қытайдың ең таңдаулы жоғарғы оқу орны – Щинхуа университетіне түседі. Сондай-ақ бұл университетте білім алған алғашқы қазақ атанды. Студенттер арасындығы пікірсайыстарда шешендігімен  көзге түскен ол 1989 жылы оны  үздік бітірген соң қызметке орналасып, алғашқы еңбек жолын осы жерден бастайды. Ал екі жылдан соң білім көкжиегін кеңейту үшін Еуропаға кетіп, Германияға барып тұрды. Кейін Қытайға қайта келіп, Бейжіңде жекеменшік үлкен құрылыс компаниясын құрып, ірі ғимараттар тұрғызды. Ал курстасы Чжан Вэйге (қазіргі аты-жөні Жайна Жакулина) үйленіп, нәрестелі болатын кезде Бейжіңді және ондағы бизнесін тастап, отбасымен Тәуелсіз Қазақстанға біржолата қоныс аударды. Осында қайтадан бизнес бастап, «Ас-Ай» деген компания құрып,­ оны қуатты қаржылық мекемеге айналдырды.                                                                                                                                                                   Ол терең білімді, еліне, ұлтына, мемлекетіне деген сүйіспеншілігі шексіз,  мәдениетті әрі жайсаң азамат болды.  Асқар іскер ұйымдастырушы және атымтай жомарттығымен қатар, үлкен меценат еді. Оның бойындағы мұндай жақсы қасиеттер оған тегінен жұққаны күмәнсіз. 1885 жылы Омбыдағы фельшерлік техникумды­ бітірген атасы ­Жәкулә Күшікұлы  патша армиясының әскери дәрігері болған. 1909 жылы сол кездегі Прожевский  губерниясының (Қырғыз еліндегі) хатшысы дәрежесіндегі  қызметінен босаған соң, туған жері – Ақсуатқа қайтқан. 1920 жылдары Алаш қозғалысымен ниеттес, тілектес болғаны үшін қудаланып, ақыры балаларын-ауылын алып, қарулы қарсылықпен Шәуешекке өтіп, 1933 жылы белгісіз жағдайда оққа ұшқан. Әкесінің  інісі – Әбілмажін   де 1912-1917 жж. Варшава мал дәрігерлік иниститутын бітірген, өз заманының білімді азаматы болатын. ол 1936 жылы алашшыл ректінде «халық жауы» боп атылған. Асқардың нағашы тегі де Құттыбай би, Байғара би, Ақтайлақ билердің ұрпағы. Мәселен Құттыбай мен Ақтайлақ 1761, 1773 жылдары Қазақ хандығының Елшісі ретінде Бейжіңге барып, Чин императорымен келіссөз жүргізген кісілер. Ал Асқардың әкесі Әнуар мен оның ағасы ­Мағауия Қытайдағы үш аймақ үкіметі кезінде Іле қазақ автономиялы облысы құрыларда екеуі 2 аймаққа басшы болған адамдар. Анасы – Бәтима Жәкулина да өз ғұмырында үлкен лауазымды қызметке жеткен жазушы, шешен тілді аса тәрбиелі, беделді адам болған.                                                                                                                                                                                        Асқар Әнуарұлы 2016 жылдың 2 ақпанында дүниеден қайтқан соң, өз өсиеті бойынша денесі Алматыдағы Кеңсай зиратына жерленді. Ол дүниеден қайтқан соң жұбайының идеясымен «Асқар Жакулин атындағы қайырымдылық қоры» құрылып, емдеу-сауықтыру мекемелеріне жәрдем жасау жұмысы жолға қойылды.                                                                                                                                                                                                  Асқар Әнуарұлының қазасы туралы сол еліміздегі және шет елдегі БАҚ құралдары мен әлеуметтік желілерде көп жазылды. Әсіресе, оның әйеліне арнап жазған «Өсиет хаты» әлеуметтік желіде жарияланған сәтте-ақ, жұртшылық арасында үлкен  резонанс тудырды.        

Перзенттік борышын өтеген                                                                                             Туған күн толғанысы

          Дүниеден қайту                                                                                                                Асқарды сағыну 

 

 

     

JOKTAY+MUZ.mp3